Молитвената осмина за единство на христијаните (18-25 јануари) оваа година во целиот свет ќе се одржи под мото од евангелието според Иван: „Дај ми да пијам“ (4,7). По тој повод во Скопје ќе се одржат екуменски средби во склоп на Молитвената осмина за единство на христијаните и тоа според следниот редослед:

Недела, 18 јануари 2015 година – Католичка катедрала Пресвето Срце Исусово,Скопје со почеток во 19 часот

Среда 21 јануари 2015 година – Евангелско – Методистичка црква, Скопје со почеток во 19 часот

Четврток, јануари 2015 година Македонска православна црква – Охридска архиепископија,  црква Свети Петар и Павле во населбата Ѓорче Петров со почеток во 19 часот

Дијалогот на љубов кој Господ Исус Христос го започна со жената Самарјанка на изворот на Јаков продолжува и денес со секој кој сака да го запознае и прифати Спасителот. Знаеме дека жедта на Исус која ја искажа со зборовите „Дај ми да пијам“, всушност не е жед за вода, туку за вистински христијани, кои се поклонуваат на небесниот Отец „во дух и вистина“ (Иван 4,23) и кои на новите генерации им покажуваат знаци на љубов и заедништво, а посебно со оние со кои ја делиме верата во истиот Спасител на светот Исус Христос.

Во капелата Света Ана која се наоѓа во катедралата Пресвето Срце Исусово во Скопје, на 7 февруари 2015 година се одржа првата средба на лицата со посветен живот, а по повод прогласувањето на Година на Богопосветените лица.

На почетокот од средбата скопскиот парох дон Давор Топиќ го поздрави Скопскиот бискуп и Апостлоски егзарх во Македонија, монс. д-р Киро Стојанов, како и сите светеници и присутни лица со посветен живот и им посака добредојде на оваа средба.

Потоа следуваше предавање од бискупот Стојанов на тема: „Одсјајот на Божјата светост во нашиот живот“.

Бискупот Стојанов меѓу другото рече: „Со оваа средба, духовна обнова и со ова предавање ја започнуваме Годината на посветен живот, а која е прогласена од папата Фрањо за целата Црква. Сите добро знаеме дека нашиот современ свет се наоѓа во една голема криза. Таа криза не ја зафати само Стариот континент, Европа, туку и Америка, пополека и целиот свет. Сведоци сме на времиња кои некогаш историјата ќе ги одбележи како промена на цивилизацијата. Таа промена на цивилизација која доаѓа се судира со генерациите.“

„Што подразбираме под поимот „Божја светост?“ Веруваме во Бога како совршено битие кое е вечно, неизмерно, неискажливо и совршено. Сите овие поими ги надминуваат нашите способности на разбирање. Кога велиме Боже Свети требаме да го прифатиме понизно фактот дека тој поим не го разбираме. Нашиот начин на разбирање, прифаќање е пат на набљудување на сето тоа што Бог создаде. Од создадениот свет – кој е совршен – ние доаѓаме до заклучок: ако создадениот свет е така совршен колку ли е тогаш само совршен неговиот Создател. Знам дека тоа е патот на нашиот разум, но не и духот. (…) Зошто на Бога му требаше тој прекрасен свет кој Го слави? Очигледно дека постоењето на ангелите и луѓето е целта зошто Бог го создаде светот. Божјата убавина, добрина и сите карактеристики што се одразуваат во создадениот свет имаат само тогаш смисла ако постои разумно суштество како што е ангелот и човекот и препознавајќи Го воскликнуваат: _Голем си и прекрасен Создателе наш_! Во тој восклик нашето разбирање, контемплирање се претвора во молитва и така Бог се објавува на нашиот дух како Создател, голем и свет кој сиот создаден свет го создаде само затоа да во тој свет Тој и ние започнеме разговор. Така доаѓаме до одговорот: _Господи Боже наш сè си за нас создал!“_

Што тогаш значи насловот на нашето предавање_:_ _Одблесок_ _на Божјата светост во нашиот живот?_ (…) Бог и светот околу нас очекуваат само едно од нас: ДА БИДЕМЕ СВЕТИ. Тоа не се чудесни и вонредни настани туку тоа е обичен човечки живот кој со сето свое битие се ослонува на Бога, живее од Бога, живее за Бога и сосвојата надеж за вечниот живот го оправдува својот начин на размислување и живеење во конкретниот свет. Луѓето од нас очекуваат само едно: да бидеме светлина во својата скромност, едноставност и понизност кои од својот поглед преку зборови и дела се одразува вистината на верата. Бог е Љубов.“

„За да одговориме на темелната тема во Годината на посветениот живот во денешната Црква сметам дека само тогаш адекватно ќе одговориме доколку бидеме отсјај на Божјата светост. Со тоа нашиот живот ни малку нема да биде чуден ниту необичен, туку онаков каков го замислил Бог во создавањето кога посака човекот да го има за пријател.“

После предавањето на бискупот Стојанов следуваше обожавање на Пресветата Олтарска Тајна и имаше можност за света исповед. Врв на заедништвото беше Евхаристиското славење, кое го предводеше бискупот Стојанов, кој ги охрабри присутните за живот и послание кое им го искажа Божјата љубов. Исто така ги повика монахињите, да ги отворат вратите на своите манастири за луѓето и да им помогнат да се сретнат со Бог.

По завршувањето на првиот дел, средбата продолжи во заедништво во салата на Пасторалниот центар, а имаше можност и да се види новоотвореното студио на Радио Марија Македонија во Скопје.

Од 27 јанаури до 6 февруари 2015 година скопскиот парох дон Давор Топиќ и парохискиот викар дон Јошт Мезег престојуваа во Уагадугу, главениот град на африканската држава Буркина Фасо.

Повод за патувањате е прославата на Прва Миса на дон Мезег, кој како богослов од надбискупската меѓународна семинарија Редемпторис Матер од Сараево ја помина акдемската година 2012/2013 на мисонерска пракса во парохијата Пресвета Богородица во Уагадугу.

Пред патувањето во Буркина Фасо во скопската парохија е спроведена акција во која парохјаните собираа помош за школуваање на сиромашни деца, а од акцијата се собрани 51 стипендија. Во Буркина Фасо постојат државни училишта и приватни, а секоја од нив наплатува, што е голема препрека за да можат многу сиромашни деца да се стекнат со основно образование. Исто така националниот директор дон Иван Штироња од канцеларијата на Папски мисиски дела од Босна и Херцеговина преку парохот Топиќ упати помош за сиромашните.

За време на престојот парохот и капеланот ја запознаа младата Црква во Буркина Фасо и се уверија дека Црквата во Африка е надежта за светот, како што веќе рече свети Иван Павле II.

Набискупот на Уагадугу, кардинал Филипе Уедраого ги запозна своите гости со историјата на оваа Црква, која постои стотина години и со евангелизацијата на првите мисионери „Белите оци“ од Франција, кои веднаш започнале со основање семинарија со накана да се образуваат свештеници од месното население. Дон Топиќ и дон Мезег исто така ја посетија семинаријата на надбискупијата, центарот за напуштени деца, парохиската заедница и присуствуваа на свечено отворање на Апостолската нунцијатура, како и на поклонение во надбискупското светилиште Богородица од Јагме, каде што присуствуваа околу милион верници.

Дон Мезег славеше Прва Миса во повеќе парохии, како и во заедници на Неокатекуменскиот пат, каде што посведочи дека времето поминато на мисионерска пракса во Африка му помогнало во духовното созревање и патот кон свештенството и дека за тоа искуство му благодари на Бог, како и на браќата кои ги запозна.

Парохот и капеланот исто така имаа можност да го запознаат животот на луѓето во една од најсиромашните земји во светот преку посета на некои села, разговарајќи со луѓето, доживувајќи ја нивната дладбока духовна жед, како и отвореноста за Бог.

Свештениците се вратија во својата парохија збогатени со едно ново искуство и мисионерска ширина, која што ја посведочија во парохиската заедница со кратка презентација после неделната Миса.

Што е Радио Марија?

Радио Марија е проект на светско ниво. Тоа е едно поинакво радио, исклучиво наменето за духовен раст, промовирање на христијанските вредности, култура и образование.  Ова радио е непрофитно и функционира од благодарение на донации од локалното население и од целиот свет.

Кога и каде се појави Радио Марија

Радио Марија својот почеток го бележи во 1983 год. во провинцијата Комо (Миланска Бискупија) во Италија, со цел да ја шири хрисијанската порака. Од тогаш ова радио се шири и станува медиум за преобразба насекаде во светот.

Светското семејство на Радио Марија

Радио Марија е присутно во 70 земји во светот, со програми на повеќе од 20 јазици и милиони слушатели на сите пет континенти. Овие радија се основаат од истоимените здруженија. Сите Здруженија на Радио Марија во светот се обединети во Светското семејство на Радио Марија (World family of  Radio Maria).  Здружението Радио Марија Македонија е дел од ова светско семејство.

Радио Марија Македонија

www.radiomaria.mk

Здружението Радио Марија Македонија е основано во 2012 година и со неколку годишна подготовка и поддршка од WFRM (Светското семејство на Радио Марија) ова радио во Македонија почнува да емитува своја програма како интернет радио на 8 декември 2014 година,  благословено од скопскиот бискуп Киро Стојанов. Радио Марија Македонија е интернет радио, кое може да го слушате на www.radiomaria.mk . Емитува 24 часовна програма во која освен македонскиот јазик се застапени албанскиот и хрватскиот јазик.

Радио кое создава мостови помеѓу луѓето

Програмата на Радио Марија Македонија има за цел да ја пренесе разновидноста на човечката култура низ христијанска перспектива, поврзувајќи ги своите волонтери и слушатели без оглед на нивната верска определба или национална припадност. Историјата покажала дека на овие простори и во светот меѓусебното запознавање, размената на идеите и соработката можат да го донесат многу посакуваниот мир и благосостојба. Така вредностите кои се заеднички за сите, пренесени преку културата, уметноста, локалното и светско духовно наследство може да создадат мостови помеѓу поединците, овозможувајќи им да суштествуваат во Вистината, Добрината и Убавината.

Затоа ги покануваме сите луѓе со добра волја, чии животни принципи се совпаѓаат со христијанските вредности, да станат дел пријатели на Радио Марија, а со тоа дел од овој голем проект. Освен како слушатели, ако се чувствувате повикани, можете да станете наш волонтер и да учествувате во програмата.

Каде се наоѓа радиото?

ул. Петар Попарсов бр.43 позади католичката катедрала во Скопје.

Контакт

Освен на нашата веб страница можете да не најдете на Фејсбук (Радио Марија Македонија) и Твитер (@RadioMarija_mk).