Целта на овие неделни средби е дружење, меѓусебно запознавање, молитва и разговор за актуелни животни теми. Во центарот на средбите е секогаш Исус Христос. Секој месец две средби се посветени на разработка на актуелни теми кои младите ги обработуваат по групи, а потоа ги изнесуваат своите мислења. Потоа, кога ќе изразат што за одредена тема вели светот и што мисли секој од нив, водителот низ разговор со нив открива што е тоа што вели Христос и неговата Црква. Средбите завршуваат со читање од Светото Писмо, песна, дружење, играње пинг-понг. Една од месечните средби е посветена на гледање филм со христијанска тематика, а на крај на филмот младите разговараат за пораката на филмот.